भीरबाट लडेर ढाड भाँचिएकी रसिला परियारकाे उपचार गर्न सहयोग हस्तान्तरण

 भीरबाट लडेर ढाड भाँचिएपछि थलिएकी पर्वतको जलजला गाउँपालिका–४ लामाखेतकी रसिला परियारको उपचारका लागि आइतबार आर्थिक सहयोग गरिएको छ ।

   बेनी नगरपालिका–१ रत्नेचौर घर भई हाल क्रोसियामा रहेका आषिस परियार (झिल्के) र जलजला गाउँपालिका–७ धाइरीङका साजन परियारले सञ्चालन गरेकाे अभियानबाट संकलित रु. ८२ हजार ६५० रसिलाको उपचारका लागि हस्तान्तरण गरिएको हो ।

अभियन्ता साजन परियारले गण्डकी अस्पताल पोखरामा पुगेर रसिलालाई नगद हस्तान्तरण गरेका हुन्  ।

 ज्याला मजदुरी गरेर परिवार पाल्दै आएकी रसिला घाँस काट्ने क्रममा भिरबाट लडेर ढाड भाँचिएर थला परिकि छिन्  ।

रसिलाका श्रीमान पनि बिरामी छन् उनकाे अहिले  भारतमा उपचार भइरहेको छ । घरपरिवारको कमजोर आर्थिक अवस्थाका कारण रसिलाको उपचारमा समस्या भएको छ । गण्डकी अस्पतालमा रसिलाको शल्यक्रिया गर्ने तयारी भए  पनि  रकम  अभावले  समस्या भएपछि  थप सहयोगका लागि अपिल गरिएको छ ।