रिटर्नी सेन्टर नेपाल बागलुङ जिल्ला भेला सम्पन्न ,संयाेजकमा  शिव प्रसाद शर्मा 

 रिटर्नी सेन्टर नेपाल बागलुङकाे प्रथम  जिल्ला भेला मंगलबार  सम्पन्न  भएको  छ । भेलाकाे उद्घाटन गर्दै माओवादी केन्द्रका केन्द्रीय सदस्य तथा  बागलुङ जिल्ला ईन्चार्ज  गाेविन्द पाैडेलले अबकाे समयलाई  उत्पादन र  राेजगारी सिर्जना गर्नमा  लगाउनुपर्ने बताए ।

   ”  विदेशबाट सिकेर आएकाे सीप,पुँजी र अनुभवलाई देशमै लगाउने गरि रिटर्नी सेन्टर नेपाल जन्मनु सुखद हाे ।  यसकाे अभियानले विदेश जाने क्रमलाई राेक्न  भूमिका खेल्नुपर्छ  ” नेता पाैडेलले भने ।

कार्यक्रममा गण्डकी प्रदेश सदस्य चन्द्र ब थापा,टीका कुमारी  विकले   अभियान सफलताको शुभकामना राखेका थिए ।रिटर्नी  सेन्टर नेपाल केन्द्रीय सचिवालय सदस्य   बालकृष्ण मरासिनी ,  गण्डकि प्रदेशका सह-संयाेजक भूवन गुरुङले रिटर्नी सेन्टर नेपाल स्थापना र यसले  गर्ने कामकाे बारेमा जानकारी दिएका थिए ।

    भेलाले  शिव प्रसाद शर्माकाे  संयाेजकत्वमा रिटर्नी सेन्टर  नेपाल बागलुङ जिल्ला सम्मेलन आयाेजक  समिती  गठन गरेकाे छ ।

     कार्यक्रम गण्डकि प्रदेश कमिटी संयाेजक ईश्वरी प्रसाद ढकालकाे अध्यक्षतामा  सम्पन्न भएको थियाे । कार्यक्रम स्वागत प्रदेश सदस्य रेशम केसीले गरेका थिए । कार्यक्रममा  प्रदेश सदस्य हिरा बहादुर रेग्मीकाे समेत उपस्थिति रहेकाे थियाे ।

       रिटर्नी सेन्टर पर्वत र म्याग्दीकाे भेला भाेलि गरिने रिटर्नी सेन्टर नेपाल  गण्डकी प्रदेशले जनाएको छ ।