तीजको नाचगानमा झडपमा एक युवाको ज्यान गयाे

हिजो दरखाने दिन बेलुका  नाचगान भैरहेको घोडेवासमा आफ्नै साथीहरुबीच सामान्य झगडा भएको र साेहि  विषयलाई लिएर  साेमबार बिहान सुनिलमाथि कुटपिट हुदा उनको  ज्यान गयाे ।

तीजको नाचगानमा झडपका कारण एक युवाको ज्यान गएको छ ।  विवाद पछि  कुटपिटबाट तिनाउँ गाउँपालिका–२ घोडेवासका २४ वर्षीय सुनिल खत्रीको ज्यान गएको जिल्ला प्रहरी कार्यालय पाल्पाले जनाएको छ ।

हिजो दरखाने दिन बेलुका  नाचगान भैरहेको घोडेवासमा आफ्नै साथीहरुबीच सामान्य झगडा भएको र साेहि  विषयलाई लिएर  साेमबार बिहान सुनिलमाथि कुटपिट भएको र घाइते सुनिलको उपचारको क्रममा लुम्बिनी प्रादेशिक अस्पताल बुटवलमा ज्यान गएको प्रहरीले जनाएको छ।

घटनापछि प्रहरी चौकी दोभान र जिल्ला प्रहरी कार्यालय पाल्पाले झगडा तथा कुटपिटमा संलग्न रहेको आशंकामा चार जनालाई पक्राउ गरी थप अनुसन्धान थालेको  प्रहरी उपरीक्षक हेरम्ब शर्माले जानकारी दिए ।