सुनसरी समाज यूएईकाे आयोजना तथा नेपाली रक्तदाता संघ युएईको सह- आयोजनामा यूएईको दुबईमा रक्तदान कार्यक्रम सम्पन्न भएको छ ।
अल कुबेत अस्पतालसँगको सहकार्यमा बृहत खुला रक्तदान कार्यक्रममा ४२ जना नेपालीले रक्तदान गरेका थिए । रमाजनकाे समयमा विशेष सन्देश दिने रक्तदान कार्यक्रम दुबई स्थित अल कूबेत हस्पिटल खलीज देराकै परिसरमा गरिएको थियाे ।
सुनसरी समाज यूएईका बिन्दु भट्टराईको संयोजकत्वमा सम्पन्न कार्यक्रममा रक्तदातालाई निशुल्क परामर्श दिईएकाे थियाे । कार्यक्रममा युएईमा बसोबास गर्ने नेपाली/बिदेशी समाजसेवी, बुद्दीजिवी,सामाजिक संघ संस्थाका व्यक्तिकाे उपस्थिति रहेको थियो।
संयोजक भट्टराईले रक्तदान मानव जीवनको अत्यन्तै पुण्य काम रहेको बताए । रगतको अभावमा कुनै पनि मानव जातिले ज्यान गुमाउनु नपरोस भनि रक्तदान कार्यक्रम आयोजना गरिएको उनकाे भनाइ थियाे । “‘पहिलो पटक यस रक्तदान कार्यक्रमको उपस्थितिले अझै बृहत रुपमा रक्तदान कार्यक्रम थप प्रभावकारी ढंगले लिएर जान्छाै।”भट्टराईले भने ।
संस्थाका संस्थापक अध्यक्ष रोहित बस्नेतले बिगतमा संस्था मार्फ़त बिभिन्न रचनात्मक, खेलकूद ,शिक्षा सम्बन्धी कार्यकम गरी रहेको र यस पटक रमजान जस्तो पबित्र महिनामा रक्तदान जस्तो मानब सेवामुखी कार्यक्रम गर्न पाएकोमा खुसी ब्यक्त गरे।
‘सुरक्षित प्रवास,समृद्ध समाज हाम्रो अभियान’ भन्ने नाराका साथ सन् २०१८ मा यूएईमा सुनसरी समाज यूएईको स्थापना भएको हो र सोही अनुरूप मार्च ९ मा सम्पन्न रक्तदान कार्यक्रममा कूल ४२ जना रक्तदाताले रक्तदान गर्नुका साथै प्रमाणपत्र समेत बितरण गरेका थिए।
कार्यक्रममा नेपाली रक्तदाता संघ यूएईका संरक्षक तथा केन्द्रीय कोषाध्यक्ष सुनील श्रेष्ठले हाम्रो संघले पनि बिगतमा दुई पटक भब्य कार्यकम गरि सकेको र भविष्यमा पनि यस कार्यलाई निरन्तरता दिने र अन्य संघ संस्थालाई समेत सहयोग गर्ने कुरा व्यक्त गरेका थिए।
बाग्लुङ सेवा समाज अमेरिका न्युयोर्क च्याप्टरको अधिवेशन सम्पन्न , जिबनाथ कँडेलकाे नेतृत्वमा नयाँ कार्यसमिती
बागलुङ क्षेत्र नं १ मा ईन्जिनियर खिमानन्द कँडेलकाे चर्चा
जेठ १४ बाट हराएका सिगानाका कुमार परियार अझै भेटिएनन्
रुपा गौतम हत्या काण्ड र कालीगण्डकी दोहनबारे प्रदेश प्रहरी प्रमुख जाेशीसंग विशेष कुराकानी (भिडियो)
