वोनम्यारो पिडित सुनारलाई बोहरागाउँका खेलाडीको आर्थिक सहयोग

बागलुङ : जिल्लाको निसीखोला गाउँपालिका वडा नं ३ की वोनम्यारो पिडित धनमायाँ सुनारको उपचारको निम्ति आर्थिक सहयोग संकलन हुने क्रम जारी रहेको छ ।

यसैक्रममा निसीखोला गाउँपालिका वडा नं ३ बोहरागाउँका भलिवल खेलाडीबाट आर्थिक सहयोग गरिएको छ । थोरै भय पनि घाउँमा मलम लगाउन सकियोस भनेर ७ हजार रुपैया आर्थिक सहयोग गरेको बोहरागाउँ निवासी अभिसेक चन्दले जानकारी दिएका छन् ।

करिव १ वर्ष अगाडी बाट वोनम्यारो रोग बाट ग्रसित १९ वर्षिय सुनारको आर्थिक अभावको कारणले अहिले सम्म उपचार हुन सकेको छैन । परिवाको आर्थिक अवस्था कमजोर भएको कारण धनमायाँको उपचारमा समस्या भएको र धनमायाँ सुनार बचाउ अभियान नै चलायर आर्थिक संकलन गदै आएको धनमायाका वुवा लक्ष्मण सुनारले बताउनु भयो ।

उपचारको लागि काठमाडौको सिभिल अस्पतालमा करिव २५ लाख देखी ३० लाख सम्मको खर्च लाग्ने डाक्टरले जानकारी दिएको धनमायाँको वुवाले जानकारी दिनु भएको छ । अहिले सम्म जम्मा ७ लाख रुपैया सहयोग संकलन भएको सुनारले जानकारी दिए ।

१० दिन पहिले अस्पताल पुगेर छोरीको सवै जाचँ गरेको र ३ महिना पछि वोन म्यारो दिनको लागि तयारी भएर पुग्न भनेको सुनारले बताएका छन् । तर प्रायाप्त अर्थिक नहुदा अहिले उपचार कठिन भएको बताएका छन् । उपचारको लागि सक्दो सहयोग गर्न अपिल समेत गरेका छन् ।