पूर्व उपराष्ट्रपति पुत्र दीपेश पुन सुन तस्करी प्रकरणमा पक्राउ

सत्ता गठबन्धको प्रमुख पार्टी माओवादी केन्द्रको विद्यार्थी संगठन अनेरास्ववियु क्रान्तिकारीका महासचिव समेत रहेका पूर्व उपराष्ट्रपति नन्दकिशोर पुनका छोरा दीपेश पुनलाई प्रहरी प्रधान कार्यालय, नक्सालबाट खटिएको टोलीले प्रकाउ गरेको छ ।

गत २ साउनमा बरामद भएको ६० किलो सुन तस्करी प्रकरणका मुख्य आरोपी दावा छिरिङसँग उनको साँठगाठ देखिएपछि उनि प्रहरीको निगरानीमा थिए । सिआईबीबाट उनलाई खुकुलो बाताबरण बनेपछि आफूले उन्मुक्ति पाउने भए भन्दै ढृुक्क थिए ।

सुनसम्बन्धी जाँच आयोगले पनि बिहीबार बुझाएको प्रतिवेदनमा पुनविरुद्ध अनुसन्धान नगरी सीआईबीले उन्मुक्ति दिएको निष्कर्ष निकालेपछि सिआईबी प्रमुखलाई फेरिएको छ । सुन तस्करी प्रकरणमा थुनामा रहेका दावा छिरिङसँग दिपेशको उठबस रहेका प्रमाण भेटिएपछि उनतिर अनुसन्धान तेर्सिएको थियो ।

, दिपेश दावासहित अन्य चिनियाँ नागरिकहरुसँग हेलिकप्टरमा गोसाइकुण्ड घुम्न गएको लगायतका साँठगाठका प्रमाण भेटिएको थियो । छोरा सुन काण्डमा जोडिएपछि पूर्व उपराष्ट्र पतिको समेत बदनाम भएको छ ।