गण्डकि प्रदेश इन्चार्ज दिननाथ शर्मा सह इन्चार्ज हरी अधिकारीकाे पदस्थापन  कार्यक्रम सम्पन्न 

     नेकपा  माओवादी केन्द्र  गण्डकि प्रदेशकाे  इन्चार्जकाे भुमिका पाउनुभएका केन्द्रिय सचिव  दिननाथ शर्मन  तथा सह-इन्चार्ज  केन्द्रीय सदस्य  हरी अधिकारीकाे पदस्थापन  कार्यक्रम   बुधबार पाेखरामा सम्पन्न भएको छ ।

       पदस्थापन  कार्यक्रममा  बाेल्दै  नेता  दिननाथ शर्माले कॉंग्रेसकाे  महासमिती बैठकबाट संबिधान सँग बाझिने र  धर्मनिरपेक्ष बिरुद्ध हस्ताक्षर गरेकाे, माओवादी पार्टी  बिरुद्ध अनेक आराेप  लगाउदै सांगठानिक राजनैतिक प्रस्तावहरु प्रस्तुत गरेको  लगायतका  कारणले  कागेससंगकाे  गठबन्धन टुटाउनु परेकाे  बताउनुभयाे ।

  असक्षम  मन्त्री फेरेर  सुशासनको प्रत्याभुती दिने प्रधानमन्त्रीको चाहनामा काँग्रेसले  ब्रेक  लगाउन खाेजेकाे, राष्ट्रीय सभा चुनावमा पनि घात गरेकाे  लगायतका  कारणले  काँग्रेससंगकाे  गठबन्धन टुटेकाे शर्माले  स्पष्ट पार्नुभयाे ।

   बामपन्थि धुर्वीकरण तर्फ नेकपा समाजबादी मोर्चा बनाउनु र एमाले लगायतका पार्टीहरु सँग सहकार्य गर्नु नै सहि हुने   निष्कर्षमा माओवादी पार्टी पुगेकाे  पनि शर्माकाे भनाई थियाे

  सह -इन्चार्ज हरि अधिकारीले प्रधानमन्त्री प्रचण्डले देश विकास  र परिवर्तनमा गतिशील काम गरेकाेले  अब  बन्ने  सरकारले  आम नागरिककाे  भावना अनुसार  काम  गर्नुपर्ने  बताउनुभयाे ।

    प्रदेशकाे समासामायिक  बिषयमा पार्टीका केन्द्रिय सदस्य  तथा संसदिय  दलका  नेता  हरि बहादुर  चुमानले  जानकारी दिनुभयाे ।

   गण्डकी प्रदेशमा यसअघि  सचिव देवेन्द्र पाैडेल प्रदेशकाे इन्चार्ज  हुनुहुन्थ्यो ।