डेनमार्क बस्ने सुवेदीको रोइला ‘अब ढिला भैसको’ सार्वजनिक (गीत/भीडियो सहित)

कोपनहेगन, १५ फेब्रुअरी ।

डेनमार्कमा बस्दै आएका गायक कृष्ण सुवेदीले नयां रोइला गीत/भीडियो ‘अब ढिलो भैसको’ युटुबमा बिहिबार सार्वजनिक गरेका छन् ।

चर्चित गायिका तुलसी क्षेत्री र सुवेदीको स्वर रहेको रोइलाको शब्द/संगीत दीपक अधिकारीको रहेको छ । भीडियोको छायांकन कोपनहेगनमा गरिएको हो ।

मायाप्रेमका शब्दहरु रहेको रोइला गीत रमाइलो तथा मनोरन्जनयुक्त  छ । रमाइलो तरिकाले तयार पारिएको गीत तथा भीडियो तुलसी क्षेत्री युटुबमा सार्वजनिक भएको हो ।

डेनमार्कमा सक्रिय नेपाली बाजा समुहका कलाकारहरुको भीडियोमा बाक्लो उपस्थिति रहेको छ । उक्त रोइलाको नृत्यमा कलाकार आंचल सापकोटा, शंकर वस्नेत लगायतको छ ।

तारानाथ आचार्यको एरेन्जर रहेको रोइलाको रेकर्ड डिजिटल स्टार मालश्रीमा भएको हो । भीडियो निर्देशन सुवेदी आफैले गरेका हुन् भने क्यामरा सुशिल घिमिरे र रतिश तुलाधरको रहेको छ म्यानेजमेन्ट सरोज अधिकारीले गरेका हुन् ।

नेपाली बाजा समुह डेनमार्कका सक्रिय बाध्यबाधक रहेका गायक सुवेदी इनास डेनमार्कका पूर्व महासचिव तथा सामाजिक अभियन्ता हुन् । उनी डेनमार्कमा हुने विभिन्न सांस्कृतिक तथा सामाजिक कार्यहरुमा सक्रिय हुदै आएका छन् ।

गन्डक क्षेत्रमा उदगम भइ हाल निकै प्रचलित भाका रोइला गितको पहिलो पटक रेकर्ड गरि बजारमा ल्याएको बताउंदै सुवेदीले धेरैले मन पराउने विश्वास व्यक्त गरे ।

गीत/भीडियोको लिङ्क तल छ ।https://youtu.be/40MavjcYIbw?si=H3U3drovhJX3t0hm