भुकम्पमा परि मृत्यु  हुने संख्या १३८ पुग्याे, उद्दार र राहातका लागि कराेडाैकाे प्रतिबद्धता

उद्दार र राहातका लागि सरकार,प्रदेश सरकारहरु,विभिन्न कम्पनी र निजी क्षेत्रले कराेेडाैंकाे प्रतिबद्धता गर्न सुरु गरेका छन् ।

जाजरकोट र रुकुम पश्चिममा  गरि दिउसो २  बजे सम्म १सय ३८ जनाको मृत्युु भएको प्रहरीले पुष्टि गरेकाे छ ।

  विज्ञप्ति मार्फत प्रहरीले जनाए अनुसार जाजरकोटमा १०० जना र रुकुम पश्चिममा ३८ जनाकाे मृत्युु भएको छ । त्यस्तै १सय ६६ जना घाइते भएकाेे जनाएको छ ।याे विवरण दिउसो २ बजे सम्मको हाे ।

 जाजरकोटमा ८१ जना र पश्चिम रुकुममा ८५ जना घाइते भएका हुन्। याे विवरण अझै थप हुने अनुमान छ ।

  यसैबीच  जाजरकोट केन्द्रबिन्दु बनाएर गएको भूकम्पमा पीडितका लागि सरकारले तत्काललाई १० करोड निकासा गर्ने भएको छ।

बागमती प्रदेश सरकारले जाजरकोट र रुकुम पश्चिम लगायतका जिल्लामा भूकम्पबाट घाइते भएकाको उद्धार, राहत र पुनर्स्थापनाका लागि एक करोड ५० लाख रुपैयाँ आर्थिक सहयोग उपलब्ध गराउने घोषणा गरेको छ ।

 त्यस्तै   सुदूरपश्चिम प्रदेश सरकारले जाजरकोट भूकम्प प्रभावितलाई राहतको लागि एक करोड रुपैयाँ रकम सहयोग गर्ने घोषणा गरेको छ । शनिबार बसेको मन्त्रिपरिषदको आकस्मिक बैठकले सहयोग गर्ने निर्णय गर्दै घोषणा गरेको हो ।

 बुद्ध एयरले जाजरकोट र रूकुम पश्चिमको भूकम्प प्रभावितका लागि एक करोड रुपैयाँ सहयोग गर्ने भएको छ ।