गण्डकि प्रदेशमा आव ७८/७९ मा बालबालिका सम्बन्धित १ सय ८३ मुद्दामा १सय ९८ जना पक्राउ

बालबालिका समाजका सबैभन्दा कमजाेर उमेर समुह हाे । बाल मैत्री नगर घाेषणा र कार्यान्वयन अभियान अहिले देशभर जारी छ ।
हिजाेमात्र‌ै बालदिवश पनि मनाईएकाे छ । तर बालबालिका माथि विभिन्न अपराध हुँदै आएका छन् । उनीहरु समाजमा पूर्णरूपमा सुरक्षित  नभएकाे  दैनिक जसाे घट्ने घटनाले पुष्टि  गर्छ ।                                                आर्थिक वर्ष ०७८\०७९ मा गण्डकी प्रदेशका ११ जिल्लामा बालबालिका सम्बन्धी १ सय ८३ वटा मुद्दा दर्ता भएकाे विवरण प्रदेश प्रहरी कार्यालय पाेखराले सार्वजनिक गरेकाे छ ।
बालबालिका सम्बन्धि मुद्दामा जवरजस्ति करणी, जवरजस्ति करणी उद्योग, बालयौन दुरुपयोग, अप्राकृतिक मैथुन, बालयौन दुरुत्साहन र बालबिबाह रहेका छन् ।
१ सय ८३ मुद्दा दर्ता भएकाेमा त्यी मुद्दामा १ सय ९८ जना व्यक्तिलाई प्रहरीले पक्राउ गरेकाे प्रहरीले जनाएकाे छ ।
गण्डकी प्रदेशमा बालबालिका माथि हुने यी घटनाले बालबालिका असुरक्षित छन् भन्ने बुझाउछ ।
बालबालिका सम्बन्धि अपराध न्युनिकरण गर्न समाजका सबै व्यक्तिकाे भूमिका महत्त्वपूर्ण हुने र बालबालिका सम्बन्धि अपराधमा संलग्न व्यक्तिलाई कानुनी कठघरामा उभ्याउन प्रहरीलाई नागरिककाे साथ सहयाेग आवश्यक रहेकाे गण्डकी प्रदेश प्रहरीले आग्रह गरेकाे छ ।